موقعة الجردة

بسم الله الرحمن الرحيم وصلى الله على سيدنا محمد وعلى آله وصحبه وسلم
تم نشر هذه المقالة بمنتدى العسيلات الأشراف؛ لكاتبها سموءل سيد محمد، ونعيد نشرها هنا تعميما للفائدة مع جزيل شكرنا للأخ سموءل
بسم الله الرحمن الرحيم
كانت حرب الجردة بقيادة الشيخ ود بدر قام باستشارة يونس ود حران قال له هل نطيع الاتراك ام نعلن العصيان فقال يونس ود حران نحن بنموت قدامك
فجمعت القبائل بقيادة الشيخ ود بدر (الشكرية المغاربة البطاحين الاحامدة السدارنة بعض من العبدلالب كترانج ) وكان في مقدمة جيش الشيخ ود بدر كتيبة العسيلات
كان يقود جيش العسيلات الشيخ بشير ود الحاج مساعد
كانت للعسيلات خمسة رايات :
راية بقيادة محمد ود الحاج مساعد وراية الخليفة الامين ود الحاج عتمان وراية ابراهيم ود الحاج مساعد وراية الخليفة سعد ود الخليفة احمد ودبدر(ود ام هاني) الراية الخامسة كانت راية الادريساب وهم اهل الدبيبة وكان يحملها محمد علي ابو ترمة وهناك رايات فرعية راس مية مثل راية الامحمداب يحملها احمد ود الفريع راية الحسناب والحاج عبد المطلب ومن فرسانها احمد باعو راية الحجيراب يونس ود حران راية الجابراب الحاج عثمان ود البشير راية الهدوداب الدومة خالد الشيخ علي ابو شمال الذي استشهد اخاه ابراهيم في موقعة شيكان ومن اهم فرسان موقعة الجردة: حاج محمد خويسي قتل في الصبابي وكان اسمها حلينقو وقتل احمد باشا اخاه ايضا.
اهم فرسان حرب الجردة من العسيلات:
ابراهيم احمد بخيت
الشفيع محمد الشفيع
عمارة ود الامين ابليفة
عبدالقادر ود الشيخ
حسن ود الناير
الفكي عبدالله
ود ضقل
الزين ود ملاح
عمر ود اصول
عدلان ود دروسة
كرومة ود ابو رقيبة
الفيل ود دعوب
البصالي وابنه
عوض الجيد ود البصالي
الامين احمد عمارة
حميد ودحاج عبدالله
الرضي ود سليمان
علي ود شناوي
محمد مساعد محمد
ابديغم محارب من الحجيراب
بابكر حبيب الله ود ابعيش
مصطفى دعوب
علي ود سرار
الفكي عتمان ود بركات
القرقس واخوه اب حنة
ومن الادريساب(الدبيبة):
بركات ود ارباب واخوه:
حمد ود علي واخوه:
العباس ود علي واخوه:
مضوي ود علي
رملي ود ارباب
اهم شهداء حرب الجردة من العسيلات:
ادريس احمودي
الصاحب عبد امو ود اب عيش
عدلان ود حمد علي
عبدالله ابضينة
-محمد الحاج عتمان ود التوم
-ارباب احمودي الحاج ادريس
الفكي الامام ود المحسي (الدبيبة)
-الحاج عتمان ود البشير ود النور (سيد فريق النور)
كما استشهد اولاد جبارة الاربعة وهم من المعاليا كانو يسكنون قرية ام حمام شمال شرق الحويلة والان تسكن ذريتهم العزازي بالمناقل

****************
عندما جمع العسيلات قال الشيخ ود بدر:

****

حباب العسيلات قرقاب الدم

حباب العسيلات البفرجو الهم

حباب العسيلات السيفهم قلام

حباب العسيلات العشيرهم ما بنضام

***

الشيخ بشير ود الحاج مساعد قال:

نحن العسيلات تاريخنا قديم ومربعتنا فوق السارة

نحن يوم الحارة قط ما بنضارة

نحن بنكتل الجردة البتوقد نارا

نحن عرب الحنية ربينا صغارا

****

سعد ود الخليفة احمد ود بدر (والدته ام هاني بت سليمان):

وين اولاد اللمين للرشيد عازين

وحين خبط النحاس شمرو هازين

خايدين الدماء وقلوبن ما بتلين

عند ساعة اللقاء تشهد حفرة الطين

***

ابراهيم ود الشيخ ود بدر:

وين اولاد جبارة للرشيد عزو

حين خبط النحاس شمرو وهزو

خايدين الدماء وديمة ما بفزو.

والفارس العنيد بسولبو وبجزو

***

الطاهر ود الشيخ ود بدر (دق الحلبة):

الرشيد مرق والعسيلات وراهو وقدامو

فيهن الفارس العنيد وفيهن فارس اللطامو

اولاد علي الكرار الكارب لي حزامو

صلو وكبرو ورسولهم باقي امامهم

***

من مقدمة كتاب العسيلات رفاعة

عبدالله محمد احمودي

الكتاب تحت الطبع
نقلا عن منتدى العسيلات الأشراف؛ مساهمة سموءل سيد محمد