السو السو سو الجيلاني النومسوه سو الكيلاني

بسم الله الرحمن الرحيم
السو السو سو الجيلاني النومسوه سو الكيلاني

باسمك بادي الأوزان يا موجود ذو الاحسان
مرتجيك تتولاني ينمى ويزداد ايماني
**********
ثني وعقب يا لساني فوق محبوب الديَّان
المهاب النوراني طاهر الشيب والجنان
*******
بيهو وبي خلفاهو وبي جملة أصحباهو
قلبي المتخرب ها هو تحشى الرحمات جوَّاهو
**********
ايضا شقلب قصيدك فوق الرايدو وبريدك
جدك سندك سنيدك سو الجيلي الهازبو ايدك
*********
الجيلاني أبو الآبا الساقيهم صبابة
بيهو الدنيا انتصابا لولاه عاجل خرابها
**********
الجيلاني أبو الدائرة ابو الهمال والحايرة
قائد اللي الله سائرة الجيلي النفحاتو فائرة
***********
الجيلي الغالق ساسو الجيلي البرزم نحاسو
الجيلي الجائل كأسو كل التآليف من رأسو
*******
الجيلي القوي نصابو الجيلي به الناس طابوا
ابو الشيب والشباب كل الفيض من شرابو
*********
الجيلي الساوي ساوي ابو الألفية التضاوي
ابو العكَّاز والركاوي والسايحين والفي الخلاوي
************
الجيلي ابو المرقوعة والكرابة المصنوعة
صاحب الرتبة المرفوعة ليهو بتجنب ال بي دروعها
************
الجيلي السابقة عنايتو الجيلي العمت هدايتو
الجيلي الخضراء رايتو كل الكون في رعايتو
*********
الجيلاني يا أحبة الجيلاني ال من تبَّ
فوق الصلاَّح منبأ كالقشر فهو اللبَّ
********
الجيلاني النصوحة صاحب البيعة المصحوحة
حالتو مع الغير موضوحة كالجثة فهو الروح
**********
الجيلي بحر الكرسة سو الجيلي العندو المرسى
حالتو مع الغير مندرسة كالمخيض فهو الفرصة
********
الجيلي الدولة حاشا شتت قيمانا داشا
لولاه ما ولوا باشا ولا عساكر في الأرض ماشة
*************
عبد القادر سميكا يا الجيلي بالو فيك
قل ابنو كساوي اهديك كل ما تروم هو ليك
********
صليت ما الليل جنَّ والضياء يتعاقبن
والتسليم يذهبن لي من بي النور مبنأ

تحرير: حسب الرسول الطيب الشيخ
00249129950207
مهداة لروح والده الخليفة الطيب الشيخ أحمد بدر (رحمه الله)