فيضك داوي نتج زرعك شابك متلاوي حربينا

من طرف hsbelrasool.bdr الأربعاء يونيو 06, 2012 7:44 am

بسم الله الرحمن الرحيم
فيضك داوي نتج زرعك شابك متلاوي حربينا

قوم يا راوي نزه لي الما ليهو مخاوي
عساه يسامح كل مساوي لنا يحفظ من كل بلاوي

****************

على المكاوي بسبك نظمي وبحكي حكاوي
رسول الله قمرنا الضاوي شفع القمطرير العاوي

****************

أيضا آوي على خلفاهو الجاههم حاوي
عساك بهم تسمو تساوي قوم الجيلي الليهم راوي

***************

بجيبو كلامي على الجيلان وأب فركة إمامي
وحسن الفوق أب بحرا طامي وأشقر عندو شراب الظامي

*****************

بعدهم حول فوق الكاتم أطنب وطول
أبو سعد الحكايتو تهول ذاك ركازة المتجول

************

عمر ديوانو يطوف كل ليلة بي أم أركانو
أبو سعد الندر في زمانو وراء دار فاس بشيل نيشانو

*******************

ذوي التبجيل أبو القيمان الطرقو عديل
أبو سعد الندر في جيلو على السابقين ميزانو تقيل

****************

مواظب السكتة يلفى الضايقين في القبل الستة
أبو سعد الورث لا غلطة حسن أب كم والساكن طنطا

********************

ملازم الصبر نافي العجب ونافي الكبر
أبو سعد المنومس حبري لحظتو تخلي الزول كالتبر

*********************

رامق طرفو في واسع الكون تلميذو تعرفو
على المابيهو يكتر صرفو يطاول ليهو يقبل يغرفو

******************

بشوفو يوايق وفي المجموعة يحل الضايق
كتل بلدين وأصبح فايق بحر النيل أبو موجا رائق

*************

كف يا فمي بحر الحربي ما بنضمي
شال ثمارو شبك مترمي يبكم عالم يفصح أمي

*****************

سبك لي قولو عليك يا ال من كرام منسول
ابن ابنك راجيك بي خمولو بيها النذير تتولى حمولو

************

صل يا ذو المن على الرسول مفتاح الجنة
الآل والخلفاء الأحيوا السنة وأهل الله بيهم أمنا

تأليف : الشيخ النذير الشيخ جاد الله (العيلفون)
تحرير : حسب الرسول الطيب الشيخ
00249129950207