ملوه ودردروه

بسم الله الرحمن الرحيم

ملوه ودردروه فوق العطش والجوع
الضي صائمين والليل سجود وركوع
هبوه وجمروه فوقو الصدق مصنوع
ماسكين العدد تقو ومعاها خشوع

ملوه ودردروه ساسو نجيض ما ني
بي ذكر الكريم الله القديم الحي
هبوه وجمروه خيلو بسون دي
في الغارة أم زبيب بعرف محاور الكي

ملوه ودردروه فوقو النحاس عواي
عرضن لو خيولا رمحهن ضواي
قمحوا النائمين وتربحوا السراي
ديل النائرين التفلهم داواي

ملوه ودردروه فوقو بقيموا الليل
هبوه وجمروه راكبين عواتي الخيل
شايلين السنين يخفى سراج الليل
ديل النائرين التفلهم بالليل

غارات الرجال الحارتين الصيف
في المربط هناك سلاحهم التصريف
انوارهم تلوح ماها حديدة وسيف
والراجل يبين عند الضرب والكيف

غارات الرجال الصدرهم طماع
في المربط هناك فرسان وهم شجاع
أنوارهم تلوح مثل البرق لماع
والراجل يبين عند الضرب والباع

الصلاة والسلام عد اليكون والكان
عد علم الإله والنبت لي الرمان
ترضيك يا الرسول طه النبي العدنان
تملأ الشيخ رضاء والمسلمين غفران

رد: ملوه ودردروه