الجيلي يا الجيلي الآن بدرنا الساكن أم ضبان

بسم الله الرحمن الرحيم

الجيلي يا الجيلي الآن
بدرنا الساكن أم ضبان

يـا هــوَّان
يـا رفيع عـالي الشــان
امنَّـا من خـذلان
سَـوْ فى قلوبنا الإيمـان

بــالعـدنـان
بثـــني وبســبك أوزان
أكرمنـا بـي القــــــــرآن
جنــــَّـــــة وحـوراً حسـان

صديـق يـا فـاهي جـــود
هو وعمر الجنـود
عثمـان تــالي الفــروض
الكرار بـي الـدم يخـــوض

شــيخنـا المـا ترفَّعـا
سـيد المــرقَّعـــة
يــا مريـد أسـمعـا
فيهو أوصـافاً أربعــة

شيخنا الأحيا الســنن
ديمة مجافي الوسـن
يــا مريد من غير ظـن
فيـه النـادر حسن

شـيخنا الــدُّر النفيس
العالي في التجـليـس
يــا مـريـد أمـــرو الغميـس
فيه طيبات إدريـــس

شـيخنا شيخ الـولاَّك
ربك بـي النور جـلاَّك
يـا مريدمـن غير إشـــكاك
فيه علوم شيخ الأعراك

شـيخنا شيخ المنهـوم
الذاكر القيــوم
يـا مشـكك يـا محـروم
فيــــــه سِـر طيب القوم

شـيخنا الطـابـق الـدروع
الباكي بـي خشـــوع
يــوم تلقـاه مــربـوع
عليـه شامت الركـوع

ود ريـَّا مو شيخ بـلاَّص
شيخ العـام والأخص
يــا مشكك يــا أخـرص
في قولي عنـدك نـص

ودريَّا شـيخ الآداب
الطيـب بيك انشـغـــب
لـي أوصافـك مــا حَسـَــــب
مَسِّــكُو في ركابـك كَـــبْ

صليـت يـوت للشفيع
تسـليمـي يــروح سريع
لـي الوضـع في ربيـع
ترضي الساكن البقيـع