حبرا ملازم الصمتَ يا منكر فيهو تعبتَّّ

بسم الله الرحمن الرحيم
حبرا ملازم الصمتَة؛ يا منكر فيهو تعبتَّّ
*********************
مولاي منك طلبت توبة وعفويا رمت ؛
دعواي جيب ولو عبت كونك حليما دمت
***
ثنيت قولي وطعتَ رسول الله أجبت ؛
شفيع الناس في الخبتة لي دين الشرك بتَّّ
***
صديق الغار من حينو الفاروق القوم دينو ؛
عثمان تلى يس الكرار عدوه بهينو
***
بالستة الزاحو الغمة رضوان الله عمَّّ ؛
كل الصحابة الخمة تأتينا منهم شمة
***
بعدهم جيب لي خطابك الجيلي سيد ركابك ؛
عسى يأتوك أنجابك كاسات النور تهوابك
***
صيحت لي ساداتي حسن وأبفركة أبواتي؛
مولاي جيب دعواتي وانفحنا بي البركات
***
أشقر وحربي الكارة طويل الباع والدارة ؛
والله منه شرارة تحرق الكون وجواره
***
سموه حربي الكاره لقاه حار كوارا ؛
والله الفيها دارا شوف عيني بيخمد نارا
***
حبرا تقيل ما انقاس نحاس بدق هراس ؛
للغايصات كبَّّاسا جاتو أم قرين بي أجراسها
***
حبرا تقيل ما خفَّّ شال حمل أبوهو وقفَّّ؛
خيول الغيب لي صافة عند بابو بتاخد رجفة
***
حبرا مرق يوم عيدو من الله الحي تأييده؛
من حسن الفوق ترشيدو سعيد الزارو في مسيدو
***
بي شوف العين ما نقالة شوفتك بتارث الحالة ؛
درجة الغوث نالها وعلوم الغيب يفتى لها
***
خبَّّار نجيب من شبَّّ ما غش الناس ما دبَّّ ؛
لوجه الله ربى واصلح قلوبا كبه
***
ان صنقع راس للمولى حالايجيب لي قولَ؛
اعطى الوقار والصولة يرفع ويخت الدولة
***
ما حبَّّ لي العبوسة أنوارو ضاوية شموسها؛
جميع الكان ناموسة من فيضه راقد روسة
***
خصاك مولاك بالطاعة مقيت الجوف الجاعَ؛
ركازة الجوك نجَّّاعا وأمان القلب الراعَ
***
زاهد قنوع ما مالَ لي دنيا ولا لي مالَ ؛
ملازم الحق لازال وللضايقين حلالا
***
فوق نهج الشيخ ما زاغا في عسر ولا في متاعَ ؛
بالله يا سماعَ في دهره هل من باعَ
***
ابو الأيتام والهامل يا معدن كل أرامل ؛
لي وجه الله شامل كمك عليهم جامل
***
كم حل لي مسجونو وكم عافى لي مجنونو ؛
يأخواني عارزه فنونه بي لحظة بيرمي الكونو
***
خصيمك راح والله بالتيهة راح تالله ؛
عقابو راح والله وعرضو فاح تالله
***
عبيدكم صاح يا سادة يا كمل يا أفرادا ؛
الشيخ بكم يزدادا توبة ويضوي فؤادا
***
أيضا على السجادا رسول الله السادَ ؛
صلاة وسلام لا عدادا ترضيه واصحابو القادة
***
تأليف الأستاذ الخليفة الشيخ النظيف
إعداد: حسب الرسول الطيب الشيخ