الطامح زينة مربي القوم بدر جندينا مرحب بي

من طرف hsbelrasool.bdr الخميس يناير 31, 2013 7:18 am

بسم الله الرحمن الرحيم
الطامح زينة مربي القوم بدر جندينا مرحب بي

يا بارينا ويا ستار للعيب الفينا
النفس المسيئة لا توافينا وابليس ابو مرة لا يلم فينا
*******
ثنيت بي نبينا محمد واسع الجاه يا أخينا
يوما فيه العيب يبين جاهه يعم ويغطي علينا
*********
صديقو أمينا عمر فاروق نصر لدينا
اذكر عثمان التالي مبينا والكرار كوى المابينا
*********
من بعدهم أولى أجيب القول فوق أهل الدولة
طوال الشوف سمحين الصولة يقيموا الليل بي ذكر المولى
********
الناجم عيشهم أهل السوق العامر جيشهم
طابق عدده بسوق درويشهم يغفروا السيئة كتير معليشهم
**********
بجيب أوصافو ذاتو حسينة تعجب الشافها
أب دربا قاسي بعد ومسافة سفاين الصح ماسك مجدافها
*********
ايدك مدت ومن البخل بعيد ما ردت
الكازاك بصيرتو انسدت في بطن الجة مريكبو انقدت
********
عريس الحافلة يقيم الليل لي حد النافلة
أمان الخوف يركز الجافلة وخايبة دقونا منك غافلة
*********
بشوفو يوايق وفي المجموعة يحل الضائق
كتل بلدين وأصبح فايق بحر النيل أبو موجا رائق
*********
ملاحظة عيونو امانة الكون ختاها يمينو
على المابيهو يكتر زيمو يطاول ليهو يقبل يهينو
*********
ملازم السكتة يلفى الضايقين في القبل الستة
حوارك قط ما بضوق الخرتة ملازمك فاز ما تقول كذبت
********
البحر اب عوة ركازة ال ما ليهم قوة
ايدو ندية معاها مروة والكازاك وقع في الهوة
*********
الرجال بي دقونها طاوية الجوف وكاربا بطونها
لي صباح الخير العندو المونة دخل مي مي وعرف مضمونها
********
الأمين يا مراشي بارك عندك زي الحاشي
خادم خدمة ولو فراشي داير لو تجارة بيها يفاشي
*********
صلواتي تدوم وسلامي عليك يا أبي أم كلثوم
البيت تطوفو كل يوم تغفر السيئة وتمحى اللوم

تحرير: حسب الرسول الطيب الشيخ
00249129950207