يا ماشي لي ام بيبان شيل السلام أقران

من طرف hsbelrasool.bdr الأحد أغسطس 12, 2012 1:09 pm

بسم الله الرحمن الرحيم
يا ماشي لي أم بيبان

يا ماشي لي ام بيبان شيل السلام أقران
قول لي مشتاق زمان حماني القيد قلقان
***********
في أول الأوزان
بي الحي طول الزمان
الواحد الديان
مو موصوف بي مكان
رازق الانس والجان
الآبا والاخوان
تعطي العبيد ايمان
التوبة والغفران
***************
ثنيت بالعدنان
الآتي بالامان
يوم النهار الصان
وشابت الطفلان
اتلموا الانس والجان
واقفة الخلوق ريقان
وترعد النيران
العاصي هام ندمان
جاء الماحي ذاك الان
اتولى لي الضمان
***************
استنطوا يا اخوان
واسمعوا الاوزان
الدر خضر ليهو شال رمان
يبراه السحاب ريقان
ليهو الحجر طاع لان
والعجفة المن زمان
درت له الالبان
حتى القصير كمان
ينطق لو غير لسان
****************
اصحابه الامان
اليركبوا السمان
وقالوا يا رحمان
واتيامنوا السنان
حين يدخلوا العيقان
يجرجروا الفرسان
اب تاج مع اب قيطان
اليتموا الطفلان ورملوا النسوان
***********
صديقك المعوان
عمر شهر الآذان
عثمان تلى القرآن
ابن عمه البطران
من الالوف ما هان
جزاهم كيف الضأن
يضرب شمال وايمان
شيء راقدا غمران
شيء مقطوع نصفان
شيء ميتا عفنان
والحي يطيع ينهان
وعيش بي الهوان
*********
طلحة مع الزبير
الساموا لي العمير
وقالوا ان شاء الله خير
ما في من يستدير
واخلوا لي الجفير
بيعرفوا لي الكبار
وجملة الكافر العير
فيه يتغدى الطير
************
سعد مع سعيد
الرأيهم يفيد
حين يدخلوا ام حديد
يات من يكون عقيد
لي الكفار يكيد
ويقتل الصنديد
الكافر العنيد
ان شافهم من بعيد
يصيح بالجضيض
العزوا الدين أكيد
ونصروا الرشيد
***************
ابن عوف مع الجراح
اليركبوا المراح
حين شال لي اللفاح
اب ضربا ما هو جراح
اسيادي الصيتهم فاح
الاتقياء النجاح
النصروا المصباح
الباعوا لي الأرواح
بي الجنة والاصلاح
*****************
عبيدك يا العدنان
واقع بدور ضمان
بي جملة الحبان
الشيخ مع الحيران
والليهو فينا اقران
والقلبو بي رضيان
والشلفو بي العينان
والسمعو بي الآذان
قول يا الحبيب عقبان
يسكن جنان رضوان
*************
صليت لي العدنان
تسليمي غير قونان
عد اليكون والكان
الانس ثم الجان
وجملة الحيوان
والطير مع الحيتان
عد علمك يا رحمان
تدخل له في ام بيبان
وترجح الميزان
جاب ابن رية أوزان
ترضي عظيم الشان