ندى القلة وقصيدة حسن للشيخ كمال الدين

حسن صيح ليهو وسيع الراي يغيث لليضرب الروراي

مولاي ازمنت انا لي هو في طرق القال نحاسهم جو
بعد الحال اليابس كو نسير بي سيرهم ليل او ضو

ثنيت بي سيد الكونين نبي الرحمات ابو جاهين
لو لا هو لا ايمان لا دين لو لا هو كانوا الناس رايحين

صحابته في يوم بدر وحنين يهشوا فوق نبيك هازين
دخلوا الكرنفة ام رطين عزمهم قوي قط ما بلين

كمان اعنيلي للشابوش حسن كاسر الاسود الشوش
على الحركة تباينه يهوش ضي رماحه كأنه شموس

حسن قدمت ليك اعراض في ناساً عائقين حساد
قولي يا ابني اصبر عاد هذا رمحي و أنا القصاد

حسن قدمت ليك عرضي في ناساً قولها ما بيرضي
قول يا ابني هذا فرضي هذا رمحي و بقضى غرضي

حسن قدمت ليك جواب في ناساً عاقلهم سباب
قول لي يا ابني لا تغضب هذا رمحي البيقلم جب

حسن قدمت ليك مكتوب في ناساً عاقلهم ما بتوب
قول لي يا ابني لي منسوب هذا رمحي وضربي كرتوب

حسن يا الوالي ليك ناداي ابرم الدير علي اعداي
قول لي يا ابني مش نساي هذا رمي وشد التاتاي

حسن يا الوآلي ليك بنهم تدوس اعدايا حين تلم
قول لي يا ابني بالله قسم اليرش بي لبن انا ارش بالدم

حسن بي يدك الدفة شكيت اعداي عليك ضفة
قول لي قسم انف نفه الا اطيرهم في زفة

حسن صيح ليه سيد ام جير شكيت اعداي عليك كتير
قول لي لم طروا في خير في لجه و غاتسين للجير

حسن في الضيق يحصل عندي حسن حصني و كمال زندي
كمال الدين فيا جندي املاه اسرار لمن يندي

صلاة الباري غير قانون للإسمه بالجلال مقرون
عد الصاحي و المجنون تملى الكون ملي ومشحون

https://www.youtube.com/watch?v=HleLAPqIUVU&list=UUrG_CLg_i3oc25sofoMUp6A&index=6&feature=plcp