سيد بقعة ام ضبان انا ديمة ليك عشمان

بسم الله الرحمن الرحيم
سيد بقعة ام ضبان انا ديمة ليك عشمان
عيشا بلاك مسخان يا بدر القوم

مولانا يا رحمن
انا في رضاك طمعان
ادعوك يا حنان
وبحق ود عدنان
واصحابه الفرسان
وبحق اهل الشان
ناس سيدي الجيلان والمهدي الفي ذا الان
بي جاهم الغفران لي ذنبي حيث ما كان
****************

ايضا كمان اوزان
فوق بدرنا السلطان
من قام صغير سهران
في طاعة المنان
وباذل الاحسان
ومرشد القيمان
في بقعة ام ضبان
بالتقوى والايمان
الذوق الحيران بتلاوة القران
*************

اصغى لي يا مريد
بوريك في الرشيد
كان رايه سديد
وفي عصره كان فريد
يتنوع في المسيد
كل يوم بي حال جديد
والعجب يوم العيد
في شرق النافل يعيد
يطلع كما الوقيد
*****************

بدرنا ابو العباس اللينا دق الساس
كان ماسك الاساس
ومصلح الجلاس
بي علما كله راس
ما مسك في الكراس
سيد قودة ام بلاص
اللي العقول درماس
الربح الدراس واصلح ولاد الناس
**************

بدرا طلع وقاد ومضوي في الفؤاد
كان اصلح البلاد
ومرشد العباد
بالذكر والاوراد
جبادتو تحوت
قبضها كلو غلاد
جابت اهل العناد
اللي الخمر فداد
بي خشعه وانقياد
تبعوهو بقيو اولاد
انصلحوا وساروا سعاد
*************

اولاد بدر الفلاح انا فمي فوقم صاح
اذكر لي احمد كونه من الصحاح
الكاتم سره في لهو مو مازاح
وموسى الكامل مشهورا بالفلاح
وسيدي ابراهيم اللي القلوب فراح
وسيدي الطاهر الادر المو تمساح
وسيدي الكرار الي الخصيم لفاح
وسيدي العباس الوارث الصلاح
اذكر للسيد الراكب المراح
ومصطفى اخيه محسوب من السياح
صديق والطيب اليلفوا لي الصياح
وعمر وخالد الدنقرهم نباح
اذكر عبد الله المسكو بق وفاح
دقرت عيني من ولدة النجاح
هم اهل الدين المتن والشراح
هم سوق البايع هم تجرة الرباح
العز هيلم ما بيرضوا الانفضاح
هم اهل الفوز يوم الوجوه قباح
هم اهل العفه هم هيكل السماح
هم اهل الصولة هم بهجة المداح
الماسك فيهم لا شك استراح
يا اهل الفضل ليكم عبيدا صاح
محروق فؤادي من شدة النياح
يوم يطرى ليمكم يضيق عليه الساح
الشي من الله الخالق الفتاح
انا عبيدكم بالصح والنصاح
مبيوع لي ابيكم مافي من لحاح
قبال ابيكم ما كان لي جناح
ما بميز نفسي في منصب الطراح
يا اسيادي عبيدكم طالبكم السماح
طالب رضاكم من دعوة القماح
اعطوه الانشراح
لي قلبو الزوزا وراح
****************

صلاة تمشي تك تسليما لك في لك
يا العالي منصبك
تتمادى وتطلبك
تدخل لك في ام شبك
ترضيك وتبسطك
ابن سليمان سبك ينجى بها من الدرك

نقلا عن ود الخليفه ، بتصرف