لي ليم آباي؛ شوقي؛ بكت عينايَ

بسم الله الرحمن الرحيم
لي ليم آباي .. شوقي .. بكت عينايَ

باري البرايا استجب دعايَ
أمشي واتنايَ بطرق أهل الراية
***********
بثني غنايَ على ملجايَ
في قلبي غاية تحل فيه الهداية
******
صديق معنايَ الفاروق معايَ
عثمان غطايَ الكرار بهايَ
***********
اصحابو ليمهم القلبي بريمهم
أكرف نسيمهم وأذوق تنعيمهم
********
جيب فوق آثارهم الأحيوا دارهم
ليلهم نهارهم خادمين أذكارهم
**********
ديل أهل الله الخلوا الملاهي
غر الأجباه البيهم بباهي
********
ديل الأدلة أهل السلسلة
ديل الأجلة البفشوا العلة
***********
ديل أهل الحالة الوالوا الجلالة
ديل الوسالة للناس بي حالها
********
ديل الودادهم مع مجادهم
ديل يا أولادهم تقوى الله زادهم
**********
ديل يا مريدهم كن من عبيدهم
ديل واضعين إيدهم في طاعة سيدهم
**********
ديل يا ولفوهم حارتين كفوفهم
ديل ديمة سوفهم ومن الله خوفهم
*********
ديل يا حبيبهم اطلب تقريبهم
ديل مليان جيبهم من علام غيبهم
*******
ديل يا نديمهم برطن تيرجيمهم
ديل من كريمهم منصوبة خيمهم
*********
عبد القادر جادا اب كساوي نادى
في جمع السادة أدنى واتمادى
********
صلواتي تساوي ما صلى راوي
ترضي المكاوي رضوانا حاوي

مهداة إلى روح مولانا الخليفة الطاهر الشيخ الطيب بدر
مني: حسب الرسول الطيب الشيخ