اليوم في اليوم لوت ؛؛ حبر أمضبان الحربي حالي اللوت

من طرف hsbelrasool.bdr الخميس أبريل 28, 2011 10:21 am

بسم الله الرحمن الرحيم
قال رضي الله عنه يمدح والده المعظم الخليفة أحمد بدر

اليوم في اليوم لوت حبر أمضبان الحربي حالي اللوت

بسم الله بادي بيوت بي خالق الجبروت
ذو الدولة الما بتفوت استرنا قبل الموت
***
ايضا ثنيت أبيات فوق شافع العصات
الفاق سيد المنساة وثم ذو البلوات
***
الصدق المختار فاروق لنا بشَّّار
عثمان تلى الأذكار كرار لقاهو حار
***
باقي أصحاب البشير اللينا مهروا البير
وثم نالوا البر بي الطاعة والستر
***
الجيلي ريس القوم وأب فركة بحر العوم
حسن خيولو تحوم عندو السهران بنوم
***
ود رية لابس الهيب قائد رجال الغيب
خيلو بتعرف الجيب زيارو ما بتخيب
***
حبرا شهير معروف ولي حسن مقطوف
الجمري يا ملهوف لوذ بيهو عند الخوف
***
الحربي ذا الشجَّّاع وارث طوال الباع
الصدرهو طمَّّاع البازل المصَّّاع
***
الحربي يا خليل قط ما بشوفولو مثيل
سيد دنقرن نديل منو الفرسان تميل
***
الحربي يا رجال شوف عيني غير محال
وقتين تجيهو الحال تتباعد الكمال
***
الحربي يا رفيق صيح ليهو عند الضيق
وقتين تجيك تسيق اسمو القطابي أب زيق
***
الحربي ذا البطران الكاتم الحرَّّان
وقتين تجيك ريقان صيح ليهو يا ولهان
***
الحربي ذا الشاقوق النارو توقد فوق
من القطابي الفوق ليهو الأمر مدفوق
***
الحربي ريس الكون الصادق المأمون
صيح ليهو يا مغبون ليك القواسي تهون
***
الحربي حالي اللوت سيد عمرة البروت
كم حرَّّك الناسوت ليهو الشرف مثبوت
***
ناظم القول حكى من فرقكم بكى
الشيخ الإشتكى لي نفسو يملكا
***
صليت على البشير ثم السلام كثير
عد ما تلي الذكر بي خشعة وفكر
****
***
تأليف الخليفة الشيخ النظيف
إعداد: حسب الرسول الطيب الشيخ