سيد بندي وسيد مهيوبة؛ الجاب حتى الغروبا؛ كل يوم تزيد انوارو

من طرف hsbelrasool.bdr الخميس أبريل 28, 2011 10:14 am

بسم الله الرحمن الرحيم
سيد بندي وسيد مهيوبة الجاب حتى الغروبا كل يوم تزيد انوارو

مولاي أرزقني توبة بدري قبل الغروبا
من نورك الموهوب نلبس إزار وثوبا
***
ايضا ثاني الخطوب فوق شافع المرقوبة
الحبو جاب النوبة بي كفو النار محجوبة
***
صديق الواسع جاهو الفاروق دينو قواهو
عثمان عزيز أطراه كرار نصرو وحماه
***
بالستة يا مجيدُ يثمر فرعي ويزيدُ
بالضي والغميد دائما لا أكون كسيدٌ
***
من بعد أصحاب رسولك قول خصص لي فحولك
الجيلي والي عولك حسن سم اليجولك
***
أب كم المالو ثاني مضروبو ما بعيش تاني
الساكن بيت الجاني ليهو الحجر طاع لانِ
***
أب كم الضاوي نورو كالسبعتين في دورو
الفيضو كالمطورو الحضرة ليهو تشورو
***
الهائم من صباهو الربه وسع جاهو
ثم العليل إن جاهو حالا قطع يشفاهو
***
الراكب القماع الشايل القطاع
قرنو السداسي وباعو لي صيحة الفزاعو
***
ظني قوي مو هايف تا الله بيك ما خايف
دنيا وأخرى خرايف لي اليرضى واليزايف
***
نسبو الشريف الفاخر مثبوت حقيقة وظاهر
مولاي من فيضو الزاخر أسقينا لما نزافر
***
بلهجبك يا دخري في البكري والعشية
ثم كمان النية تا الله فيك ملوية
***
الشيخ الجاب قصيدو لي سيدو وسيد مريدو
حسنا الطايلة إيدو لي اعدانا يوت يكيدو
***
أهديت صلاة وسلامو على نور الظلام
تصباه وتدخل مقامو ترضي وتعم كرامو

تأليف الخليفة الشيخ النظيف
إعداد: حسب الرسول الطيب الشيخ